Katiba na Kanuni za SMART FRIENDS

Kikundi hiki kitajulikana rasmi kwa jina la SMART FRIENDS.

"Strong Together" — tukiwa pamoja, tuna nguvu.

Kikundi ni kikundi cha hiari cha akiba, mikopo na uwekezaji wa pamoja kinachoundwa kwa makubaliano ya wanachama. Kinaendeshwa kwa uwajibikaji wa hali ya juu kama taasisi ya fedha ya ndani kupitia katiba hii.

Makazi ya kikundi ni Dar es Salaam, Tanzania.

Kuwa kikundi cha akiba, mikopo na uwekezaji kinachoheshimika, chenye nguvu ya kifedha, na kinachoongoza mfano wa mshikamano wa kweli na ustawi wa pamoja — kikiiwa mfano bora wa jinsi watu wanavyoweza kujenga utajiri pamoja kwa uaminifu, nidhamu, na akili.

Kuweka mazingira ya kuaminika na ya uwazi ambapo kila mwanachama anaweza kukua kifedha kupitia akiba ya pamoja, mikopo ya haki, na uwekezaji wa busara — huku ukijengwa kwenye misingi ya uaminifu, uwajibikaji, na kuheshimiana.

Uaminifu (Integrity) · Uwajibikaji (Accountability) · Mshikamano (Solidarity) · Nidhamu (Discipline) · Ukuaji (Growth).

Kiasi cha fedha kinachowekwa na mwanachama kila mwezi kama sehemu ya mtaji wa pamoja. Kiwango cha chini: Hisa 2 kwa mwezi (TSh 100,000). Thamani ya Hisa moja: TSh 50,000 (inaweza kubadilishwa na Mkutano Mkuu kwa 75%).

50% ya Hisa zote za mwanachama. Zinaweza kutumika kama dhamana ya mkopo wa mwanachama mwenyewe tu.

50% ya Hisa zote za mwanachama zilizowekwa kwa uwekezaji wa pamoja. Haziwezi kutumika kama dhamana ya mkopo wa mtu binafsi.

Mwanachama aliyetimiza sifa zote za Ibara ya 4.1: anachangia Hisa bila kukosa, hana malimbikizo ya faini, anahudhuria vikao, na ameweka taarifa ya mrithi.

Faida inayotokana na riba za mikopo, mapato ya uwekezaji, na faini — inayogawanywa kwa wanachama kwa uwiano wa Hisa zao zote.

Faini ya 20% inayoongezwa mara moja baada ya kukosa tarehe ya mwisho, kisha inaendelea kuongezeka kwa 20% ya jumla kila mwezi.

Kila mwanachama hai ana kura moja (1) tu katika maamuzi yote — bila kujali idadi ya Hisa zake. Wanachama wote wana sauti sawa.

Akaunti ya simu ya mkoba (M-Pesa au iliyoidhinishwa) inayotumiwa kupokea na kutoa fedha zote za kikundi.

Katibu Msaidizi — ndiye msemaji rasmi wa kikundi kwa umma, vyombo vya habari, na washirika wa nje kwa idhini ya bodi ya uongozi.

Watu wafuatao ni wanachama waanzilishi wa SMART FRIENDS. Kila mmoja ameweka Hisa sita (6) za kuanza — TSh 300,000 kwa jumla — ambazo ni Hisa zake za kwanza na sio ada ya kiingilio. Kikundi kilianzishwa rasmi tarehe 28 Machi 2026 na wanachama 13 wafuatao:

NO	JINA KAMILI	NAFASI
01	IPIYANA SAGAJA LUSAJO	MWENYEKITI
02	FELIX NYAMAHANGA	MKT / MSAIDIZI
03	JONATHANI ZACKARIA	KATIBU
04	BILL REGNARD BYEKWASO	KATIBU MSAIDIZI
05	SULEIMAN NAIMU	M/HAZINA MKUU
06	ALOYCE DANIEL	M/HAZINA MSAIDIZI
07	MOZES HENDRI	MJUMBE
08	LUGELA MIPAWA	MJUMBE
09	SULEIMAN SAID	MJUMBE
10	SHIJA MAGENI	MJUMBE
11	ADELICUS LUGUMISA	MJUMBE
12	DAUDI AMOS MWAKIPONGO	MJUMBE
13	YAKOBO THOMAS MASAMAKELI	MJUMBE

Mwanachama anaitwa "Hai" anapokidhi SIFA ZOTE: (1) Anachangia Hisa 2+ kila mwezi bila kukosa zaidi ya miezi 2; (2) Analipa Ada ya Uendeshaji kila mwezi; (3) Hana malimbikizo ya faini; (4) Anahudhuria vikao; (5) Ameweka taarifa ya mrithi wa kisheria; (6) Hajafukuzwa wala kusimamishwa.

(1) Umri usiopungua miaka 18; (2) Chanzo cha mapato kinachotambulika; (3) Kitambulisho rasmi; (4) Uadilifu wa kifedha; (5) Ridhaa ya katiba na kanuni; (6) Mwanachama Mhakikishaji hai anayemjua vizuri mwombaji.

Ombi la maandishi → Katibu atangaza kwa wanachama si chini ya siku 7 → Kikao cha kura (siri) → Kura za 2/3 au zaidi kupitishwa → Mwombaji analipa Hisa za Kuanza ndani ya siku 28 → Anapokea ufikiaji wa mfumo.

Kila mwanachama hai ana kura moja (1) tu katika maamuzi YOTE — bila kujali idadi ya Hisa. Mwenye Hisa 6 na mwenye Hisa 100 wana nguvu sawa ya maamuzi. Hisa zinatumika kwa Gawio na dhamana tu.

Thamani ya Hisa moja ni TSh 50,000 (inaweza kubadilishwa na Mkutano Mkuu kwa kura ya 75%).

Mwanachama atalipa angalau Hisa 2 (TSh 100,000) kila mwezi, ifikapo tarehe 28. Anaweza kulipa Hisa zaidi bila kikwazo.

Tarehe ya mwisho ya michango yote ni siku ya 28 ya kila mwezi. Malipo yanayofika baada ya tarehe hii yatachomeka faini ya 20% mara moja.

Hisa zote — za kuanza na za kila mwezi — zimegawanywa 50/50: 50% ni Hisa Huru (zinaweza kutumika kama dhamana ya mkopo wa mwanachama), 50% ni Hisa za Uwekezaji (zinawekwa kwa uwekezaji wa pamoja wa kikundi — HAZIWEZI kutumika kama dhamana ya mkopo).

Kila mwezi mwanachama atalipa Ada ya Uendeshaji (sasa TSh 10,000) pamoja na Hisa zake. Inaingizwa kwenye mfuko tofauti wa uendeshaji na HAIHESABIWI kama Hisa. Mhasibu Mkuu atatoa ripoti ya matumizi kila robo mwaka.

(1) Hisa za Kila Mwezi: Angalau Hisa 2 (TSh 100,000) kila mwezi ifikapo tarehe 28. (2) Ada ya Uendeshaji: TSh 10,000 kila mwezi pamoja na Hisa. (3) Hisa za Kuanza (Wanachama Wapya): Hisa 6 (TSh 300,000) mara moja wakati wa kujiunga.

Mchango Maalumu HAUKUKUSANYIKI bila: (1) Pendekezo rasmi la maandishi, (2) Taarifa kwa wanachama WOTE si chini ya siku 14, (3) Kikao chenye akidi, (4) Kura ya 2/3 ya wanachama WOTE. Mwanachama ana haki ya KUKATAA kulipa mchango usioidhinishwa bila adhabu yoyote.

Kikundi kinaongozwa na nafasi 3 zinazochaguliwa, kila nafasi na Mkuu + Msaidizi: (1) Mwenyekiti Mkuu + Makamu Mwenyekiti, (2) Katibu Mkuu + Katibu Msaidizi, (3) Mhasibu Mkuu + Mhasibu Msaidizi. Jumla: viongozi 6.

Uchaguzi mmoja kwa kura za siri. Mwenye kura nyingi zaidi = Mkuu. Mwenye kura za pili = Msaidizi. Hakuna uchaguzi tofauti kwa Mkuu na Msaidizi.

(1) Anasimamia vikao vyote na kuhakikisha mtiririko wa mjadala wenye heshima. (2) Kusaini mikataba ya kisheria na kibiashara kwa niaba ya kikundi baada ya idhini inayohitajika. (3) Kutoa kura ya ziada ya uamuzi (casting vote) pale kura zimesawazika, isipokuwa katika uchaguzi. (4) Kuhakikisha kikundi kinafuata katiba, kanuni, na maamuzi yote ya Mkutano Mkuu.

(1) Kuchukua majukumu yote ya Mwenyekiti Mkuu anapokuwa hayupo, amefukuzwa kwa muda, au ana ukinzani. (2) Kuongoza Kamati ya Uwekezaji na Mipango. (3) Kusimamia ushirikiano na washirika wa nje na taasisi za fedha.

(1) Kutunza na kusambaza Minutes za vikao vyote ndani ya siku 3 baada ya kikao. (2) Kusasisha rejista rasmi ya wanachama. (3) Kusambaza taarifa za vikao si chini ya saa 48 kabla ya kikao. (4) Kutunza na kuhifadhi nyaraka zote rasmi na siri za kikundi.

(1) Msemaji Mkuu rasmi: anatoa matangazo ya umma na kuwasiliana na vyombo vya habari kwa idhini ya Mwenyekiti Mkuu. (2) Kusimamia mawasiliano ya ndani ya kikundi. (3) Kusimamia mfumo wa kura za mtandaoni. (4) Kutoa ripoti ya utendaji kila mwezi.

(1) Kusimamia akaunti za benki kwa mfumo wa watia saini watatu. (2) Kutoa ripoti kamili ya fedha kila robo mwaka, nusu mwaka, na mwaka. (3) Kuhifadhi nyaraka za fedha kwa angalau miaka 7.

(1) Kutunza Daftari la Hisa na Mikopo na kutoa ripoti ya mzunguko wa fedha kwa Mhasibu Mkuu kila mwezi. (2) Kutangaza Gawio la kila mwanachama kila mwezi. (3) Kuchukua majukumu yote ya Mhasibu Mkuu anapokuwa hayupo.

Miaka 2. Wanachama 5: Makamu Mwenyekiti (Mwenyekiti wa Kamati, ex-officio), Mhasibu Mkuu, Katibu Mkuu, na wanachama 2 wa kawaida. Majukumu: kutathmini fursa za uwekezaji, kuandaa mpango wa mwaka, kusimamia miradi iliyopitishwa.

Mwaka 1. Wanachama 3 wasio uongozi. Majukumu: kupokea na kupitisha/kukataa maombi ya mikopo ndani ya SAA 24, kuthibitisha dhamana, kufuatilia malipo kila mwezi.

Zinateuliwa na uongozi kwa kazi zenye mwisho unaojulikana (Ukaguzi, Nidhamu, Matukio, n.k.). Hazidumu zaidi ya miezi 6 bila uamuzi mpya.

Mwanachama aliye na mkopo unaendelea VIZURI anaweza kuteuliwa katika kamati yoyote. Mwenye malimbikizo ya faini au uchelewaji HAWEZI kuteuliwa hadi deni litatuliwe.

Uchaguzi wa uongozi utafanyika kila baada ya miaka miwili (2). Katibu Mkuu atatangaza uchaguzi na wito wa wagombea miezi miwili (2) kabla ya mwisho wa kipindi.

(1) Mwanachama hai kamili kwa angalau miezi 6 kabla ya uchaguzi. (2) Hana malimbikizo ya Hisa, Ada, faini, au deni lolote. (3) Hajawahi kufukuzwa au kuadhibiwa rasmi kwa Utovu wa Nidhamu. (4) Anakubaliana kikamilifu na katiba hii.

Kiongozi aliyemaliza kipindi LAZIMA apumzike kwa miaka 2 kamili kabla ya kugombea tena. Wakati wa pumziko HARUHUSIWI kugombea nafasi yoyote (Mkuu au Msaidizi). Anaweza tu kuteuliwa katika kamati.

Uchaguzi mdogo utafanyika ndani ya siku 60 pale nafasi ya kiongozi inapoachwa wazi kabla ya mwisho wa kipindi — kwa kujiuzulu, kifo, kusimamishwa, au kushindwa kutekeleza wajibu.

(1) Kujiuzulu kwa hiari kwa maandishi kwa Katibu. (2) Kukosa michango ya miezi 6+ bila makubaliano yoyote. (3) Kufukuzwa kwa kosa zito (wizi, udanganyifu, siri za kikundi). (4) Kifo cha mwanachama.

Mwanachama anayejiuzulu anapata: Hisa Huru zake 100% + Gawio lake lolote lililokusanyika. ANAKATWA: Hisa za Uwekezaji (50% ya Hisa zake) — zinabaki kwa kikundi kama faida ya pamoja.

Mrithi wa kisheria aliyetajwa anapokea: Hisa Huru ZOTE + Hisa za Uwekezaji ZOTE + Gawio lolote lililokusanyika. Hakuna makato kwa kifo.

Mwanachama aliyefukuzwa kwa kosa zito anapata Hisa Huru zake tu. Hisa za Uwekezaji zinakatwa kabisa na kubaki kwa kikundi.

(1) SMART FRIENDS Mkoba: akaunti ya simu ya mkoba kwa miamala ya kila siku — Hisa, mikopo, marejesho, faini. (2) Akaunti ya Benki: hifadhi kuu ya mtaji mkubwa. Inaendeshwa kwa saini za watia saini watatu.

Malipo hadi TSh 50,000: Mhazina Msaidizi peke yake. TSh 50,001–200,000: Mhasibu Mkuu au Mhazina Msaidizi + idhini ya Katibu/Mwenyekiti. Zaidi ya TSh 200,000: Lazima iwe na uamuzi wa Bodi ya Uongozi (wanachama 3+ wa bodi).

Akaunti ya benki inahitaji saini za watatu kati ya viongozi 3 walioidhinishwa (kawaida Mwenyekiti, Mhasibu Mkuu, na Katibu). Hakuna kiongozi mmoja anaweza kufanya muamala wa benki peke yake.

Kutokana na kukosa tarehe ya mwisho (tarehe 28): faini ya 20% ya kiasi kilichokosekana inaongezwa mara moja. Kila mwezi mmoja unaopita bila malipo, faini inaongezeka tena kwa 20% ya jumla ya deni (mkusanyiko).

Faini zinakatwa moja kwa moja kwenye akiba ya mwanachama (Hisa) pale zinapoongezwa kwenye mfumo. Mwanachama anapata arifa ya moja kwa moja.

Mkopo unaweza kutolewa kwa dhamana ya Hisa Huru za mwanachama (50% ya Hisa zake). Hisa za Uwekezaji HAZITUMIKI kama dhamana.

Maombi yote ya mikopo yanashughulikiwa na Kamati ya Mikopo. Uamuzi ndani ya SAA 24 za ombi kupokewa kwa mikopo ya hisa huru na siku tatu kwa mikopo mikubwa.

Mwombaji lazima: awe mwanachama hai, hana deni la mkopo linaloendelea, na Kamati imeridhika na uwezo wake wa kulipa.

Gawio linatokana na: riba za mikopo, mapato ya uwekezaji wa pamoja, na faini zilizokusanywa. Linagawanywa kwa wanachama wote kwa uwiano wa Hisa zao ZOTE (Hisa Huru + Hisa za Uwekezaji).

Endapo uwekezaji wa pamoja utarudisha hasara, inagawanywa kwa wanachama WOTE kwa uwiano wa Hisa zao — kama vile Gawio linavyogawanywa. Hasara inakatwa kwanza kutoka mfuko wa Gawio uliokusanyika kabla ya kuathiri Hisa.

Inaongozwa na Makamu Mwenyekiti (ex-officio). Wajumbe: Mhasibu Mkuu, Katibu Mkuu, na wanachama 2 wa kawaida. Majukumu: kutathmini fursa, kuandaa mpango wa mwaka, kusimamia miradi, kutoa ripoti ya robo mwaka.

(1) Kikao cha Ripoti ya Mwezi: kila mwezi (mara 12), mtandaoni, ripoti za fedha na Hisa. (2) Kikao cha Robo Mhula: kila miezi 3, tathmini ya maendeleo. (3) Kikao cha Nusu Mhula: mwezi wa 6. (4) Mkutano Mkuu (AGM): mwaka mzima, ana kwa ana (nje ya mkoa: mtandaoni).

Kinaweza kuitishwa na Mwenyekiti, Mhasibu, au 1/3 ya wanachama kwa taarifa si chini ya SAA 4. Kinashughulikia mambo ya dharura tu.

Kikao kinahitaji angalau wanachama 2/3 (zaidi ya nusu + 1). Bila akidi, kikao kiahirishwe.

(1) Uamuzi wa kawaida: kura nyingi (simple majority). (2) Mabadiliko ya katiba, mabadiliko ya thamani ya Hisa: kura 75% ya wanachama WOTE. (3) Kufukuza kiongozi, kusimamisha mwanachama: kura 2/3 ya wanachama WOTE.

Mwanachama yeyote ana haki ya kuomba na kupokea taarifa yoyote ya fedha za kikundi ndani ya siku 7 ya ombi. Taarifa za fedha zitaposwa kwa njia ya mfumo wa kidijitali (smartfriends.online) kwa wanachama wote mara baada ya vikao.

Mgogoro wowote kati ya wanachama au kati ya mwanachama na kikundi utashughulikiwa kwanza na Bodi ya Uongozi kwa mazungumzo ya amani. Kama usuluhishi wa ndani haukufanikiwa, wenzi watano (5) wa amani watachaguliwa.

Kikundi kinaweza kuvunjwa kwa kura ya 3/4 (75%) ya wanachama WOTE katika Mkutano Mkuu uliofanywa mahususi kwa lengo hilo. Fedha zote zinagawanywa kwa wanachama kwa uwiano wa Hisa zao kamili.

Mabadiliko ya katiba yanahitaji: (1) Pendekezo la maandishi kwa Katibu si chini ya siku 21 kabla ya kikao, (2) Usambazaji kwa wanachama WOTE si chini ya siku 14, (3) Kura ya 75% ya wanachama WOTE.

Mfumo wa kidijitali wa SMART FRIENDS (smartfriends.online) ni chombo rasmi cha usimamizi wa shughuli zote za kikundi — Hisa, mikopo, Gawio, vikao, kura, na taarifa za fedha.

(Msimamizi wa Mfumo/Admin) ana mamlaka ya juu zaidi ya uendeshaji wa mfumo. Ana wajibu wa backup angalau mara moja kwa mwezi na kuhakikisha usalama wa data.

Rekodi za kidijitali za smartfriends.online zina nguvu ya kisheria sawa na rekodi za maandishi ya mkono — ikiwa ni pamoja na miamala ya Hisa, maamuzi ya mikopo, kura za vikao, na ripoti za fedha.

Super Admin (uwezo wote), Kiongozi/Admin (uwezo wa usimamizi), Mwanachama (kuona taarifa zake mwenyewe tu). Kila ngazi inalindwa na nywila na idhini sahihi.